ગ્રીલ ચીઝ સેન્ડવિચ બનવાની એકદમ સહેલી રીત
સામગ્રી:
- સેન્ડવિચ બ્રેડ
- લીલી ચટણી
- આદુ, લસણ અને મરચા ની પેસ્ટ
- ચાટ મસાલો
- ટામેટા કેચપ
- બટર
- ૪ બાફેલા બટાકા
- લીલા ધાણા
- ધાણાજીરું પાવડર
- રાઈ
- હિંગ
- હળદળ
- ડુંગળી
- મીઠું (સ્વાદ અનુસાર)
- ચીઝ
સ્ટેપ:
એક વાસણ માં બાફેલા બટાકા મેસ કરી લેવા.
વઘાર કરવા માટે એક કઢાઈ માં તેલ ગરમ કરો પછી તેમાં રાય અને હિંગ ને સાંતળો. રાય સાંતળ્યા પછી તેમાં આદુ લસણ અને મરચા ને વાટી ને કઢાઈ માં નાખો.
પછી તે વઘાર ને બાફેલા બટાકા માં નાખો.પછી તેમાં ડુંગળી અને લીલા ધાણા ને સમારીને નાખો.
પછી તેમાં હળદળ, ધાણાજીરું પાવડર, ચાટ મસાલો, મીઠું નાખી ને બરોબર મિક્સ કરો.
ત્યાર બાદ ૨ બ્રેડ સ્લાઈસ લો. ૧ બ્રેડ સ્લાઈસ માં લીલી ચટણી લગાવી તેના પર બટાકા નું તૈયાર કરેલું મિશ્રણ લગાવો અને બીજી બ્રેડ સ્લાઈસ પર ટામેટા કેચપ લગાવી મિશ્રણ લગાડેલી સ્લાઈસ પર ચીઝ સ્લાઈસ કે છીણેલું ચીઝ પાથરી ને તેના પર બીજી બ્રેડ સ્લાઈસ મૂકી ને સેજ દબાવી દો.
ત્યાર બાદ તૈયાર કરેલ સેન્ડવીચ ને બંને સાઇડે બટર લગાવી ને ગ્રીલ મશીન માં ગ્રીલ કરવા મૂકો. ગ્રીલ થઈ ગયા બાદ કટ કરીને સર્વ કરો.
0 Comentarios